Friday, January 28, 2011
ജനപക്ഷ വികസന സമ്മേളനം മാര്ച്ച് 13 ന് കലൂര് സ്റ്റേഡിയത്തില്
മാര്ച്ചു 11,12,13 തീയതികളില് എറണാകുളത്ത് നടക്കുന്ന പുതിയ കേരളം വികസന ഫോറത്തിന് സമാപനം കുറിച്ചു കൊണ്ട് ജനപക്ഷ വികസനസമ്മേളനം മാര്ച്ചു 13 ന് ഉച്ചക്ക് 2 മണിമുതല് കലൂര് അന്താരാഷ്ട്ര സറ്റേഡിയത്തില് നടക്കും. കേരളത്തിലെ 200 ല്പരം വ്യത്യസ്ഥ ജനകീയ സമരങ്ങളിലെ സമര പോരാളികള് അടക്കം പതിനായിരക്കണക്കിനാളുകള് ജനപക്ഷ വികസന സമ്മേളനത്തില് അണിനിരക്കും. 200ലധികം ജനകീയ സമരസംഘങ്ങളുടെ പ്രത്യേകം പ്രത്യേകം പവലിയനുകള് സമ്മേളന നഗരിയലുണ്ടായിരിക്കും. ഇതിലൂടെ സമരസംഘങ്ങളുടെ വ്യത്യസ്ഥ ആവിഷ്ക്കാരങ്ങള് അവതരിപ്പിക്കും. സമര നേതാക്കളെ ആദരിക്കലും സമ്മേളനത്തിന്റെ ഭാഗമായുണ്ടാകും. അന്തര്ദേശീയ-ദേശീയ-സംസ്ഥാന തലങ്ങളിലുള്ള പ്രമുഖ വ്യക്തിത്വങ്ങള് ജനപക്ഷ വികസന സമ്മേളനത്തെ അഭിസംബോധന ചെയ്യും. കേരളത്തിലെ വികസനത്തിന്റെ ദിശാ നിര്ണ്ണയത്തിലെ പാകപ്പിഴകളാണ് ജനകീയ സമരങ്ങള് രൂപപ്പെടുന്നതിന് കാരണം. വികസനത്തിന് ശരിയായ ദിശാ ബോധം നല്കുകയാണ് ജനകീയ സമരങ്ങള് ചെയ്തുകൊണ്ടിരിക്കുന്നത്. കേരള ചരിത്രത്തിലെ നിര്ണ്ണായകമായ സംഭവമായിരിക്കും ജനപക്ഷ വികസന സമ്മേളനം.
Subscribe to:
Post Comments (Atom)
No comments:
Post a Comment